top of page

Dashuria e ka emrin "grua" - thote Keti Dibra



Keti Dibra - TE DUASH

Të duash,

do te thotë:

të dish të dhurosh

të dish të marrësh

të dish të shohësh

të dish të dëgjosh

të dish të bashkëbisedosh

të dish të qortosh

të dish të kundërshtosh

të dish të thërrasësh

të dish të heshtësh

të dish të presësh

të dish të thuash

të dish të mendohesh

të dish të ndalesh

të dish të nxitosh

të dish të tkurresh

të dish të luftosh

të dish të sprapsesh

të dish të këmbëngulësh

të dish të qeshësh

të dish të lotosh

të dish të vlerësosh

të dish të gëzohesh

të dish të falësh

të dish të fitosh

të dish të humbësh

të dish të vuash

të dish të ndjesh

të dish të drithërohesh

të dish të sakrifikohesh

të dish të ëndërrosh

të dish të mësosh

të dish të dashurosh

të dish të RRITESH!


Të duash është më e vështira gjë

në tërë udhëtimin e njeriut, deri te e mbramja.


Per dashurinë dhe dhembshurinë Carl Gustav Jung ka thënë: "Dashuria është një koncept i shtrirë që shkon nga qielli në ferr, bashkon në vetvete të mirën dhe të keqen, sublimen dhe përjetësinë".

Dashuria është edhe një "kontratë hileqare" e interesit ndërmjet individësh: unë të dua ty, se edhe ti më do mua! Por dashuria bëhet e fortë dhe e qëndrueshme kur amalgamohet me dhembshurinë. Meqenëse njeriu është qenie egoiste, dashuria, jo gjithnjë, mbart dhembshurinë të cilën ai ia rezervon, së pari, vetes. Vetë fjala dhembshuri vjen nga dhembje (dhimbje), një ndjenjë që jo shumëkush e përjeton. Dhembshuria lidhet fort me sakrificën. Dhe sakrifica është ekskluzivitet i nënës, gruas, që lind krijesën e saj, nga trupi i saj, permes gjakut e dhimbjes dhe, për rrjedhojë, e ka të pakushtëzuar dashurinë dhe dhembshurinë. Ndaj dhe dashuria e dhemshuria nuk jane te pranishme te të gjithë dhe nuk kanë të njejtën rëndesë te të gjithë. Nëse dashuria dhe dhembshuria te njeriu, në tërë intensitetin e tyre, do të ishin bashkudhëtare krejt të barasvlerëshme, atëherë dhe kjo botë e trazuar do të ishte një tjetër botë.

240 views0 comments

Comments


bottom of page